Në vijim të operacionit të koduar “Bogota”, një tjetër rrjet i trafikut të drogës është përçarë. Policia italiane ka bërë të mundur arrestimin e katër personave, dy prej të cilëve janë shqiptarë.
Operacioni në fjalë është zhvilluar në zonat midis Leçes dhe Brindisit.
Siç raporton “La Reppublica”, të arrestuarit shqiptarë, identiteti i të cilëve nuk bëhet me dije për shkaqe hetimi, janë të moshës 29 dhe 38-vjeç, për të cilët gjykata ka caktuar masën e sigurisë “arrest me burg”. Ndërsa për dy shtetasit italianë, 35 dhe 49 vjeç, u caktua masa e “arrestit shtëpiak”.
Dhjetë persona janë arrestuar me herët gjatë operacioneve në vende të ndryshme të Italisë, në Bolzano – Livorno – Lecce dhe Brindisi, duke sekuestruar edhe sasira të mëdha droge, si 600 kg marijuanë, 21 kg hashash, 2 kg kokainë dhe 32 kg heroinë.
