Atleti shqiptar David Nikolli, për dy vitet e ardhshme pritet që t’i jepet nënshtetësia italiane. Ai është shprehur : “Unë punoj shumë, ëndërroj të veshësh fanellën blu”, laprovinciapavese.gelocal.it.
Në rrugën e atletikes, ëndrra e David Nikollit, atleti i Cento Torrit, filloi nga 400 metrat në fushën e Coni di Pavia për të shkuar në Lojërat e Tokios 2020.
Në gjysmë maratonën e mbajtur në Pavia, nga 23 shqiptarë që ishin paraqitur ty ai kishte qenë i vetmi që kishte rrëmbyer çmime dhe trofe duke përfaqësua denjësisht Shqipërinë.
Gjatë vitit të kaluar të rinjtë e Alberto Colli kishte fituar tri rekorde, ndërsa Nikolli ishte shqiptari i parë që fiton garën në Lojërat e Ballkanit.
“Unë u prita nga Ministrja e Arsimit dhe Sportit në Shqipëri Lindita Nikolla. Ajo më premtoi se do të më ndihmonte ekonomikisht që të bëhesha atlet profesionist. Ajo më prezantoi me një projekt, ku gjithashtu më kërkoi të thyeja rekordin shqiptar në gjysmë maratonën në Tiranës që u mbajt në tetor. Unë bëra gjithçka sepse ëndrra ime është të bëhem një atlet profesionist, por kur u ktheva, më bëri të kuptoj se do të duhej të largohesha nga Pavia dhe të shkoja në Shqipëri. Kjo ishte e tepërt dhe unë u përgjigja se do të qëndroja në Itali, se kushtet ishin më të mira. Dhe kështu ata më lanë pas dorë nuk më ofronin asnjë ndihmë financiare. Edhe ccmimet që do të fitoja nuk më paguheshin”, shpjegon David.
Nikolli në vendin e tij ishte bërë një yll, ai ishte i ftuar shpeshherë nëpër televizione sepse ishte atleti më i mirë për shqiptarët.
“Por unë u ndjeva i tradhtuar nga liderët e sportit në Shqipëri. Kam bërë gjithçka që unë të isha i kërkuar, por unë nuk mund të braktis Italinë që ka bëtë kaq shumë për mua, ndihem si në shtëpi, dhe këtu jam për një të ardhme më të mirë”, tha David.
Presidenti Franco Corona ndërhyri dhe i gjeti atij një strehim në Pavia, ndërsa Alberto Colli kërkoi një menaxher për vitin e ardhshëm. “Më duhet të falënderoj Dr. Marita Gualea dhe stafin e saj që kanë përgatitur çdo gjë për mua, si dhe Fisios Pavia, fizioterapistin, dhe Andrea Mussi trajneri, dhe përveç të gjithëve Cento Torri dhe Andrea Albanesi me të cilin unë u stërvita. Unë dua të filloj fuqishëm vitin e ardhshëm”, përfundon riu shqiptar. TIRANA TODAY
