Një rrëfim tronditës për një akt kriminal, ka dëshmuar reperi i famshëm i cili ka pranuar që ka vrarë, torturuar dhe më pas i ka fshehur, trupat e tre studentëve
Kristian Omar Palma Gutierrez, aktualisht akuzohet se ka marrë pjesë në rrëmbimin, sekuestrimin dhe vrasjen e tre të rinjve, të cilët janë torturuar dhe më pas janë vrarë nga disa anëtarë të një bande të njohur në pjesën lindore të vendit.
Ylli meksikan ka deklaruar në polici se ka shkrirë acid në trupat e tre studentëve të rinj, bashkëkombës të tij të cilët rezultonin të zhdukur prej më shumë se një muaji.
Vdekja e tre të rinjve të moshës nga 20 deri në 25-vjec, u konfirmua dhe nga autoritetet meksikane.
Hetuesit meksikanë thanë për mediat se ai ka marrë pjesë dhe në tre krime të tjera. Reperi ka një popullaritet të madh në vend duke numëruar qindra mijra fansa.
Lajmi për krimin e kryer nga ai ka shokuar Meksikën dhe prej disa orësh po bën xhiron e botës.
