Ish-presidenti i Republikës Bamir Topi gjatë prezantimit të platformës së FRD për zgjedhjet e 25 qershorit, ka akuzuar marrëveshjen e Rama-Basha.
Sipas Topit, kjo lëvizje politike e PS-PD i ngjason marrëveshjes së vitit 2008 e cila nisi rrënimin e Shtetit Shqiptar.
Topi akuzoi gjithashtu ata si strumbullarë të marrëveshjes për përfitim duke treguar dyfytyrësinë e vendimit të tyre në kurriz të partive të vogla.
Më tej, ai tha se kreu i Partisë Demokratikë i cili e ka etiketuar FRD si parti mercenare dhe nga ana tjetër vet Basha bën pirueta dhe pazare në dëm të partive të vogla.
Gjithashtu, Topi u shpreh se PD–ja është një aset i çmuar për demokracinë e Shqipërisë por ajo nuk e meriton lidershipin që ka .
“Ata duan të marrin fitore poshtë tavolinës, duke krijuar kushte jo të favorshme dhe jo të barabarta për të gjithë. Ata na vendosën nën presion.
Basha që sulmonte FRD-në nga çadra bëri ç’mos që të dilte nga çadra”, tha Topi.
Sakaq, Topi u kërkoi qytetarëve që të braktisin partitë e mëdha pasi atyre u mungon serioziteti dhe e përdorin pushtetin për të mbushur xhepat e tyre.
