Deputetja e Partisë Demokratike, Jozefina Topalli në seancën e jashtëzakonshme për votimin e emrave të komisionit të Vettingut, tha se në listën e merave të propozuar për komisionet ka kamikaz politik të kryeministrit Rama.
Topalli: “Meqenëse ju nuk keni guxim t’i thoni të vërtetat atëherë po i them unë. Në këtë listë ka kamikaz politik të kryeministrit ka njerëz të afër të kryeministrit. Këtu ka emra që kanë zaptuar troje dhe prona. Ju po bëni fortifikimin e korrupsionit në sistemin e drejtësisë. Unë nuk e mbyll këtë legjislature emra që nuk thonë asgjë, kjo listë është antikushtetuese. Sot ju nuk e keni të qartë se çfarë po bëhet.”
Ndërsa kryeministri Rama i’u përgjigj “I hodha një sy listës që nuk e kam parë asnjëherë më parë dhe nuk e di ku mi gjete këta miq e këta shokë. E them sinqerisht do më mungosh shumë në sesionin e ardhshëm po s’është faji im. Kjo është fatura që duhet ti paguani me të drejtë konformizmit tuaj dhe futjes në çadër për të shmangur këtë seancë që duhej bërë më parë. Po ç’të bëj që ca u futën në çadër e ca bërtisnin duke pritur nga çadra. Në këtë listë e pashë kur po flisje ti, e nuk kam asnjë lidhje me Pal Shkambin që po e dëgjoj për herë të parë, dhe njoh Ina Ramën madje jam krenar që e kemi mbështetur Ina Ramën. Duhet ta kishe mbështetur edhe ti, është një nga viktimat e shkeljes së ligjit Njoh Albana Shtyllën, nuk e kam mike. Në distancë njoh Sokol Como por të tjerë nuk njoh. Më vjen keq që e mbylle me këtë nivel të ulët bashkë me Astritin karrierën tënde parlamentare. Ky Vettingu është jo vetëm gjëja e duhur po është kaq i vonuar dhe domosdoshëm saqë ka mbështetjen e popullit shqiptar majtas e djathtas. Nëse është vonuar përgjegjës jeni ju, pastaj mund të diskutojmë përgjegjësitë e viteve më parë. Sado e papërsosur të jetë kjo histori do hapi kapitull tjetër. Jo vetëm gjykatësit e prokurorët e korruptuar por edhe ata që kanë kërkuar vota e kanë vjedhur do përballen me drejtësinë. Vetëm mos të shkojë mendja që unë me Lulin flasim për ty, nuk je në agjendën tonë!”
