Mesfushori gjerman pëlqehet nga dy gjigantët e Premier Ligës. Toni Kroos është kthyer në një objektiv real si për Manchester United ashtu edhe Manchester Cityn, pasi shërbimet e këtij lojtari i nevojiten të dyja ekipeve.
Dy skuadrat nga i njëjti qytet janë duke e vëzhguar situatën e gjermanit në Madrid, ku ai nuk është më optimist dhe dëshiron të ketë një eksperiencë të re.
Sipas Don Balon të dy trajnerët Jose Mourinho i United dhe Pep Guardiola i Cityt do të tentojnë transferimin e gjermanit gjatë verës, për ta bindur Toni Kroosin që t’i bashkohet njërit prej ekipeve. Kroos është pjesë e Realit që nga viti 2014, ku u transferua nga Bayern Munich.
