Australianët ndjehen të frikësuar dhe në panik pas ciklonit Marcus i cili shkatërroi Territorin Verior gjatë fundjavës. Frika nuk vjen prej dëmeve që shkaktoi cikloni, por prej një sëmundje vdekjeprurëse që u përhap pas tij dhe po kërcënon banorët në Australi.
Stuhia e madhe e të shtunës shkatërroi kryeqytetin e territorit verior, Darvin por banorët janë paralajmëruar të jenë të kujdesshëm ndaj rreziqeve të melioidozës.
Tre vetë kanë vdekur në 38 raste të raportuara, tha Dr.Peter Markey, drejtor i Qendrës për Kontrollin e Sëmundjeve.
Mesatarisht ka rreth 50 raste gjatë gjithë vitit me simptoma që varijojnë nga vështirësitë në frymëmarrje, si edhe pneumoni, ethe dhe dhimbje koke.
Simptoma të tjera janë gjithashtu humbja e peshës, dhimbje kraharori dhe barku.
*Meliodoza është një sëmundje infektive e shkaktuar nga një bakter i quajtur Burkholderia pseudomallei, që gjendet në tokë dhe ujë. Është një sëmundje e përhapur në zonat endemike, veçanërisht në verilindje të Tajlandës, Vietnam dhe veri të Australisë. Ekziston në formë akute dhe kronike. Shenjat dhe simptomat mund të përfshijnë dhimbje në gjoks, kocka dhe kyçe, kollë, infeksione të lëkurës etj.
