Në kampionatin e Argjentinës, qindra tifozë të Club Atlético Juventud pushtuan fushën e lojës për të sulmuar me armiqësi treshen e arbitrimit, që drejtoi sfidën ndaj Independiente de Chivilcoy në qytetin Pergamino në Buenos Aires. Gjithçka ndodhi në minutën e fundit të ndeshjes së kthimit të çerekfinaleve të fazës së promovimit të “Federale B” në “Federale A”, kategorinë e tretë të futbollit argjentinas.“Independiente de Chivilcoy” ishte gati të kualifikohej për në gjysmëfinale, kur tifozët vendas u hodhën në fushë dhe sulmuan arbitrin Bruno Amiconi dhe dy asistentët e tij, Marcelo Acosta dhe Mauricio Luna. Imazhet e regjistruara pasqyrojnë barbaritetin e sulmit. Tre gjyqtarët pësuan lëndime të rënda dhe duhej të dëboheshin nga stadiumi me barelë. Natyrisht se përballë një dhune të tillë, ndeshja u pezullua.
Autoritetet e Federatës Argjentinase të Futbollit po vlerësojnë se çfarë masash duhet të ndërmerren. Skuadra fajtore mund të humbasë kategorinë dhe ata tifozë, që janë të përfshirë në sulm, do të akuzohen për vepra kriminale.
