Duke filluar nga ky vit, punonjësit e administratës publike do të kenë një tjetër ditë pushimi.
Kjo pasi sot Komisioni parlamentar për çështjet Ligjore, Administratën Publike dhe të Drejtat e Njeriut ka miratuar projektligjin “Për një ndryshim në ligjin nr.7651, datë 21.12.1992, “Për festat zyrtare e ditët përkujtimore” të ndryshuar.
Propozimi u bë nga përfaqësuesi i Ministrisë së Kulturës, Endri Zerva, i cili kërkoi që data 5 shtator, e cila njihet si dita e Shenjtërimit të Nënë Terezës, të jetë ditë pushimi për punonjësit e administratës, shkollat dhe kopshtet.
Me votë unanime, Komisioni i Ligjeve ka vendosur për 5 shtatori të jetë ditë pushimi, ashtu si dita e Lumturimit të Nënë Terezës, 19 tetori.
Pas miratimit në Komision, ky projektligj do të kalojë në Parlament.
