Antony Joshua, mbajtësi i kategorisë së peshave të rënda WBA, WBO dhe IBF, do të ndeshet ndaj Oleksandr Usyk më 25 shtator, në stadiumin e Tottenham Hotspur në Londër. Kjo do të jetë hera e parë për ukrainasin Usyk që do të zhvillojë një ndeshje për titullin botëror.
Joshua po kërkonte të ndeshej me rivalin britanik, Tyson Fury por bisedimet u ndërprenë për shkak se Fury është i obliguar të ndeshet edhe njëherë me boksierin Wilder, shkruan BBC.
Fury do të përballet me amerikanin Deontay Wilder, të cilin e mposhti për t’u bërë kampion bote në pesha të rënda në ndeshjen e tij më të fundit në shkurt të vitit 2020, për herë të tretë në Las Vegas më 24 korrik.
Ndërkohë, Joshua u shpreh tepër i entuziasmuar për rikthimin e tij në ring kundër ukrainasit Usyk, dhe shtoi se vendi ku do të zhvillojnë betejën për titullin, do të ketë një atmosferë të zjarrtë.
“Ne jemi dy fitues të medaljeve të arta olimpike që kemi luftuar në rrugën tonë të lartë dhe kurrë nuk kemi shmangur sfidat. Vendi është i jashtëzakonshëm, atmosfera do të jetë elektrike, unë jam i nderuar të jem personi i parë që do të luftojë në një vend kaq të frikshëm. Skena është vendosur dhe unë jam gati të merrem me biznes.”, tha Joshua.
