Tite me dhimbje koke, një nga sulmuesit më të mirë mbyll Botërorin

Brazili duhet ti bëjë llogaritë tashmë pa një nga yjet e sulmit, pasi anësori Douglas Costa sipas gjasave e ka humbur Botërorin e Rusisë pas një dëmtimi gjatë përballjes me Kosta Rikën. Brazilianët shpresonin që të mos ishte shumë serioze, por më e keqja ndodhi. Sipas konstatimit të mjekëve, koha e rikuperimit për lojtarin brazilian të Juventusit shkon nga 15 në 20 ditë, që do të thotë se rikthimi në fushë do të jetë pas përfundimit të kampionatit botëror.Trajneri i Brazilit, Tite, ka bërë të ditur se Douglas Costa nuk do të luajë në ndeshjen e fundit në grup me Serbinë, që zhvillohet më 27 korrik, por tashmë është e qartë se ai ka humbur edhe shumë ndeshje të tjera, ndoshta të gjitha.