Dy persona kanë tentuar të vrasin një 26-vjeçar, punonjës i një shoqërie që jep makina me qira.
Ngjarja ka ndodhur dje në rrugën e Durrësit në Tiranë, ku dy persona janë konfliktuar fillimisht me pronarin e shoqërisë për shkak të prishjes së kushteve të kontratës për qiradhënien e një automjeti.
Debati ka agravuar më tej, ndërsa një prej tyre ka tentuar të vrasë me armë zjarri punonjësin L.Sh.
Gjatë përplasjes fizike, ky i fundit është treguar mjaft i shkathët, teksa ka arritur t’i kapë armën njërit prej autorëve, ndërsa më pas dy personat janë larguar me vrap.
Policia ka arritur të identifikojë dy autorët e kësaj ngjarje dhe po punohet për kapjen e tyre:
– D. I., 24 vjeç, banues në Tiranë
– S. T., 26 vjeç, banues në Tiranë
Në cilësinë e provës materiale u sekuestrua arma e zjarrit me silenciator, tip “Zastava”, me 5 (pesë) copë fishek kalibër 7.65 mm.
