Një makinë në të cilën po transportohej me urgjencë për në spital një i sëmurë është bërë burim aksidenti tek kryqëzimi i 21 Dhjetorit në Tiranë.
Makina ka kaluar semaforin me të kuqe duke përplasur më pas 2 automjete të tjera dhe 1 vjazë të moshës 23 vjeç, këmbësore.
Njoftimi
Me datë 27.06.2021, rreth orës 14:45, tek 21-Dhjetori, mjeti me drejtues G. M., duke transportuar një shtetas të sëmurë për në spital, ka vazhduar lëvizjen me semafor të kuq, dhe ka aksidentuar këmbësoren shtetasen A. M., 23 vjeçe dhe dy mjete. Si pasojë është dëmtuar këmbësorja shtetasja A. M., 23 vjeçe, e cila ndodhet në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit.
