Teksa procesi i numërimit të votave në shumicën e qarqeve të vendit është drejt përfundimit, në Tiranë LSI nga 4 mandate për deputet që kishte deri para pak minutash, është rritur edhe më një tjetër më shumë.
Në rang vendi janë numëruar deri më tani 3842 kuti votimi nga 5362 gjithsej.
Në bazë të rezultatit paraprak që prodhojnë këto kuti PS është në avantazh me 48% të votave dhe merr 73 deputetë në rang kombëtar, 2 më pak se pak orë më parë.
Në vendin e dytë renditet PD me 29% ose me 43 mandate në rang kombëtar.
Ndërkohë LSI vijon të renditet forcë e tretë me 15% të votave ose 19 mandate deputetësh.
Ku duket se një nga mandatet e sapo fituara ja ka rrëmbyet PD-së në Tiranë.
Në vend të katërt renditet PDIU me 57125 vota ose 4 mandate, e ndjekur nga LIBRA me 13073 vota ose 0 mandate;
Ndërsa i vetmi kandidat nga partitë e vogla që momentalisht e ka siguruar hyrjen në Kuvend është Tom Doshi, kandidat i PSD-së në Shkodër.
