Një 57-vjeçar këtë të premte në Tiranë, është vetëplagosur aksidentalisht me çifte. Burime zyrtare sqarojnë se i lënduari me iniciale B.F ka shkuar i plagosur në Spitalin e Traumës rreth orës 13:45.
Ngjarja në fjalë mësohet se ka ndodhur gjatë kohës që 57-vjeçari po pastronte armën e gjahut në banesën e tij, në Yrshek. I plagosuri ndodhet nën kujdesin e mjekëve, fatmirësisht jashtë rrezikut për jetën.
Policia sqaron se ai dispononte leje për armën e gjahut. Ndërkohë, grupi hetimor vijon veprimet për sqarimin e plotë të rrethanave të ngjarjes.
Tiranë
Informacion paraprak
Në Spitalin e Traumës, rreth orës 13.45, ka shkuar shtetasi B.F., 57 vjeç, i cili është vetëplagosur aksidentalisht me armë gjahu (çifte).
Ngjarja ka ndodhur gjatë kohës që po pastronte armën e gjahut në banesën e tij në Yrshek.
I plagosuri ndodhet në spital, nën kujdesin e mjekëve, jashtë rrezikut për jetën.
Shtetasi B.F, dispononte leje për armën e gjahut.
Grupi hetimor vijon veprimet për sqarimin e plotë të rrethanave të ngjarjes.
