Që në orët e para të ditës është raportuar për një aksident në Tiranë, por fatmirësisht pa pasoja për jetën.
Nga burimet paraprake bëhet me dije se një autobus ka pësuar defekt teknik. Mjeti ka dalë nga rruga tek “Kthesa e Kamzës”, duke hipur mbi trotuar dhe duke u ndalur më pas nga një mur.
Autobusi ka marrë përpara babë e bir, të cilët po ecnin në trotuar. Nga goditja është plagosur djali, i cili është transportuar në spital. Bluzat e bardha thonë se ndodhet jashtë rrezikut për jetën.
