Një 15-vjeçare me iniciale B.P. ka humbur jetën gjatë një operacioni në një spital privat në Tiranë. Pas kësaj, mjeku anestezist ka tentuar të vetëvritet.
Ngjarja e rëndë ka ndodhur rreth orës 01:00. Sipas njoftimit të policisë, mjeku T.Zh., banues në Tiranë ka tentuar të vetëvritet duke injektuar në trup një preparat lënde anestezie.
Mjeku ndodhet në spital, në gjendje të rëndë shëndetësore, ndërsa grupi hetimor po punon për sqarimin e plotë të rrethanave të ngjarjes.
Policia ka sekuestruar në cilësinë e provës materiale kartelën mjekësore të shtetases B. P.
