Sipas Wikipedia, ish-ylli i Western Stima, Kenneth Muguna tani është renditur si një lojtar i KF Tiranës. Mesfushori duket se ka lënë ekipin ku ishte duke luajtur deri tani, Gor Mahia të Kenias për t’iu bashkuar ekipit shqiptarë, zbulon Goal.Com, raporton Tirana Today.
Duket se kjo ka qenë një punë e bërë shumë në fshehtësi nga trajneri brazilian i Tiranës, Ze Maria, që ka drejtuar edhe ekipin e K’Ogalo, i cili në dhjetor u takua me Muguna dhe kanë rënë dakord.
Ze Maria e kishte sjellë Muguna në Gor Mahia nga Wester Stima, por në 2017 u largua nga Kenia për të marrë drejtimin e ekipit shqiptarë, Tiranës. Në një marrëveshje që është bërë në mënyrë shumë sekrete nga sytë e shtypit lokal, por Goal.Com ka zbuluar se ekipi që ka nën pronësi lojtarin nuk ka marrë asnjë ofertë nga ekipi shqiptarë.
Ben Omondi, Sekretari i Përgjithshëm i Gor Kumia ka fajësuar tashmë ‘kartelat’ brenda dhe rreth klubit për këtë marrëveshje të padrejtë dhe që e largon lojtarin me kosto zero.
“Burokratët dhe kartelet duan ta marrin me vete, por gjërat duket se nuk po shkojnë mirë për ta. Për momentin klubi nuk ka marrë asnjë shumë monetare,” vuri në dukje Omondi në një bisedë online në faqen e Gor Mahia. Sipas motorit të kërkimit Wikipedia, Muguna tani është renditur si një lojtar i KF Tirana. TIRANA TODAY
