Edicioni informativ i orës 14:00, në “Tirana Today”.
Apeli lë në burg Rexhep Rrajën
Gjykata e Apelit në Tiranë la të pandryshuar masën e sigurisë “arrest me burg” për Rexhep Rrajën, i cili akuzohet për veprën penale të përndjekjes së Xhisiela Malokut. Avokati i Rexhepit akuzoi se gjykata ka vepruar nën presion politik dhe mediatik.
Xhisiela shkon në gjykatë të mbështesë Rexhep Rrajën
Xhisiela Maloku është shfaqur përpara Gjykatës së Tiranës, pak pasi përfundoi seanca për Rexhep Rrajën. 25- vjeçarja tha në një prononcim për mediat, se në gjykatë kishte shkuar për të kërkuar lirimin e Rexhepit.
Braçe: Marr 25 mesazhe kërcënuese të neveritshme nga biznesmenët e basteve
Nisma më e re e qeverisë për mbylljen e lokaleve të basteve, është kthyer në një temë mjaft të nxehtë diskutimesh. Deputeti socialist Erion Braçe është rrëfyer se vetë atë e kanë kërcënuar çdo ditë biznesmenë të kësaj fushe. Sipas Braçes, më shumë se 25 mesazhe kërcënuese vijnë çdo ditë në celularin e tij, dhe e gjitha kjo që po ndodh është e neveritshme.
Për të rejat më të fundit dhe zhvillimet më të zgjeruara, klikoni në www.tiranatoday.com, ose shkarkoni në App Store dhe Play Store “Tirana Today”.
