Marrëdhëniet mes Rusisë dhe SHBA-së, gjatë kohëve të fundit, kanë shënuar një nivel të ulët besimi dhe bashkëpunimi.
Për këtë arsye, shefi i diplomacisë amerikane, Rex Tillerson dhe homologu i tij, ministri rus i Punëve të Jashtme, Sergei Lavrov, janë takuar pasditen e sotme në Moskë.
Gjatë konferencës së përbashkët për shtyp, Sergei Lavrov, është shprehur se Rusia dhe SHBA-ja janë të gatshme për një luftë të ashpër kundër terrorizmi ndërkombëtar dhe se ekziston vullneti i mirë për bashkëpunim.
Nga ana tjetër, Tillerson në përfundim të bisedimeve deklaroi se ka një nivel të ulët besimi mes dy vendeve dhe se duhet punuar më shumë për të rritur nivelin e marrëdhënieve dypalëshe.
Konflikti në Siri ka qenë tema që ka dominuar agjendën e Sekretarit amerikan të Shtetit në Moskë, në një kohë kur Rusia ka kundërshtuar sulmet ajrore amerikane në Siri, gjatë ditëve të fundit.
https://www.facebook.com/usdos/videos/vb.15877306073/10154438300886074/?type=2&theater
