Don Hernan është një tifoz futbolli 100 vjeçar, i cili ka një dashuri të jashtëzakonshme për magjitë e Leo Messit. Ai gjithmonë e ka ndjekur “pleshtin” dhe mban shënim çdo gol që ai shënon në një fletë. Duke pasur parasysh sasinë e golave të shënuar, fletët tani janë shtuar shumë dhe i moshuari i ka lidhur së bashku.
Historia e tij u bë virale në rrjetet sociale nga nipi i tij Julian që postoi mbi pasionin e gjyshit. Një histori aq e shpërndarë sa arriti deri tek vetë Messi, i cili ai i dërgoi Hernanit një video falenderimi:
“Përshëndetje Hernan, historia jote arriti tek unë dhe duket çmenduri që ke shënuar të gjithë golat në këtë mënyrë. Për këtë pasion të falënderoj dhe të dërgoj një përqafim të madh.” Një dhuratë fantastike për 100 vjetorin e Hernanit që nuk do të ndalojë së bëri atë që ka bërë deri më tani: “Gjithmonë të kam ndjekur dhe deri në fund do të të ndjek”
