E pazakontë ajo që ka ndodhur natën e shkuar në ‘Vodafone Arena’ ku lojtari i Leipzig ka kërkuar zëvendësimin akoma pa u mbyllur pjesa e parë. Është i padiskutueshëm roli i madh që ka mbështetja e tifozëve në një ndeshje, por që nga zhurma e krijuar të detyronin lojtarin të linte fushën kjo nuk kishte ndodhur ndonjëherë në Champions League. Edhe ndërprerja e ndeshjes në fraksionin e dytë të lojës, shkak i shkëputjes së energjisë në një pjesë të stadiumit, nuk e ndihmoi skuadrën gjermane të reflektonte dhe të merrte një rezultat pozitiv.
Tifozët e Besiktas në Turqi njihen për mbështetjen e zjarrtë ndaj skuadrës së zemrës dhe këtë gjë e kanë treguar edhe mbrëmjen e kaluar, në fitoren 2-0 ndaj gjermanëve të RB Leipzig.
Sulmuesi Ëerner është duke kaluar një periudhë të artë në karrierën e tij, si te Leipzig, ashtu edhe te Kombëtarja e Gjermanisë dhe ishte rreziku numër 1 për Besiktasin, por për këtë kanë menduar tifozët turq.
Ishte minuta e 32 e ndeshjes dhe të gjithë u befasuar kur Ëerner kërkoi zëvendësimin pasi nuk mund të vazhdonte të luante me zhurmën e madhe të krijuar nga vërshëllimat e tifozëve.
“E kisha të pamundur të luaja me atë zhurmë, madje akoma nuk e kam marr veten”, ka thënë sulmuesi pas ndeshjes.
“Është e pamundur të përgatisësh ekipin për një atmosferë të tillë. Kishte një zhurmë shurdhuese dhe në fillim të ndeshjes e kishim mjaft të vështirë”, ka thënë trajneri i gjermanëve.
Besiktas udhëheq grupin me 6 pikë pas dy ndeshjeve në Champions dhe një meritë të madhe në këtë sukses kanë padyshim edhe tifozët.
https://www.youtube.com/watch?v=QO6UcQ8WNG8&ab_channel=Vis%C3%A3odeMercado
