Antoine Griezmann ka qenë një ndër lojtarët kryesor të ekipit të Diego Simeone në vitet e fundit, pasi mund të cilësohet edhe si “heroi” që u dhuroi trofeun e Europa League me dygolëshin e tij. Ndërkohë, pas zërave të një transferimi të mundshëm tek Barcelona, tifozët e kanë fërshëllyer në ndeshjen e fundit kundër Eibar.
Francezi do të largohet nga Atletico duke lënë pas 209 paraqitje dhe 112 gola të shënuar. Abuzimi i tifozëve nuk është kapërdirë nga francezi, ndërsa në një moment ka shpërthyer në lot. Fernando Torres, ishte ai që i dha kurajo edhe pse ishte ndeshje e fundit për spanjollin e Atletico Madrid. Ai është fotografuar në një moment teksa i drejtohet Griezmann me fjalët: “Ne kemi nevojë për ty!”
