Një person është qëlluar nga policia spanjolle pasi ka shkaktuar alarm terrorist pranë kufirit mes Spanjë dhe Francës, duke thirrur “Allahu Ekber”, në një pikë kontrolli.
Personi në fjalë ishte duke udhëtuar me makinën e tij në një autostradë pranë La Jonquera në anën spanjolle të kufirit, kur ndaloi dhe filloi të bërtiste në arabisht. Menjëherë policia ka hapur zjarr mbi personin, i cili besohet se është francez me origjinë afrikano-veriore.
Ai u godit në këmbë dhe u dërgua në spital, ku iu nënshtrua një operacioni dhe doktorët thonë se jeta e tij nuk është në rrezik. Mediat lokale shkruajnë se policët e urdhëruan atë të dilte nga makina në të cilën ishte, e më filluan të dyshonin në të pasi panë se ai kishte një objekt të dyshimtë në belin e tij.
Si pasojë, Zyrtarët e Gardës Civile kërkuan përforcime nga policia rajonale, pasi ai filloi të bërtiste në arabisht “Allahu Ekber”, para se të kthehej në automjet. Personi në fjalë është qëlluar dy herë dhe më pas është rrëzuar në tokë, pasi doli nga makina 30 minuta teksa ishte i rrethuar nga policia, me një objekt të paidentifikuar në dorë.
Ndërkohë në makinën e tij ndodheshin edhe dy persona të tjerë, një burrë dhe një grua. Tashmë policia spanjolle ka nisur hetimet për zbardhjen e plotë të kësaj ngjarje. Personi që ka thirrur “Allahu Ekber” është në gjendje të mirë shëndetësore dhe pritet që të merret në pyetje. /Tirana Today/
