Elda Shabani është këngëtarja që bëri bujë në muzikën shqiptare, e cila njihej me emrin artistik “Madonna Shqiptare”.
Prej kohësh ajo është shkëputur nga skena e muzikës shqiptare. Por, çfarë ka ndodhur me Eldën, e cila guxoi përherë të provokojë e të thyejë tabutë në vendin tonë?
Ajo jeton prej vitesh në Zvicër dhe është nënë e dy fëmijëve. Tashmë, ajo ka marrë përsipër një tjetër post që e bën më të afërt me shqiptarët.
Këngëtarja ka nisur të prezantojë një emision për të gjithë shqiptarët e Zvicrës. Këtë e ka njoftuar ajo vetë në rrjetet sociale, duke thënë se do të jetë një emision familjar dhe serioz dhe do të qëndrojë larg politikës.
Siç duket edhe nga fotot, Elda ka ndryshuar shumë në pamjen e jashtme teksa është kthyer në brune, edhe pse dikur ka qenë një bionde fanatike.
Ajo duket shumë e re dhe kjo falë operacioneve plastike, të cilat i ka pranuar vetë në daljen e fundit publike.
