Themelohet Ansambli i Këngëve dhe Valleve Shqipe në Maqedoni. Vendimi është marrë në mbledhjen e qeverisë së Maqedonisë, e cila miratoi krijimin e këtij ansambli.
Zyra e shtypit shkruan se “për shkak të kultivimit të këngëve dhe valleve të komunitetit shqiptar në Republikën e Maqedonisë, qeveria në seancën e sotme mori vendimin për themelimin e këtij institucioni kombëtar”, raporton KultPlus.
Po ashtu, në deklaratë theksohet se kjo do të jetë një organizatë jofitimprurëse:
“Ansambli i Këngëve dhe Valleve Shqipe në Republikën e Maqedonisë do të jetë një organizatë jofitimprurëse në fushën e kulturës”, shtoi kjo zyrë.
