Një tjetër lëvizje që dëshmon thellimin e krizës mes Francës dhe Italisë, ka ardhur sot nga Parisi. Ministria e Jashtme e Francës ka njoftuar sot tërheqjen e ambasadorit të saj në Romë për konsultime, pas një serie “provokimesh” nga udhëheqësit e qeverisë populiste të Italisë.
“Për disa muaj, Franca ka qenë subjekt i akuzave të përsëritura, sulmeve të pabazuara dhe pretendimeve të çuditshme, të paprecedentë që prej Luftës së Dytë Botërore”, thotë Ministria e Jashtme franceze në një deklaratë për shtyp.
Ministri i Jashtëm francez denoncoi një ditë më parë denoncoi si “të papranueshëm” një takim mes zëvendës kryeministrit italian, Luigi Di Maio, dhe protestuesve antiqeveritarë të ashtuquajtur tashmë “jelekverdhë”.
“Ky provokim i ri është i papranueshëm mes vendeve fqinje dhe partnerëve në zemër të Bashkimit Europian”, tha zëdhënësi i ministrisë së Jashtme franceze.
