Presidentja e Komisionit Evropian, Ursula von der Leyen, ka kryesuar listën vjetore të “Forbes” të grave më të fuqishme në botë, me Presidenten e Bankës Qendrore Evropiane, Christine Lagarde në vendin e dytë.
“Gratë më të fuqishme të sotme po udhëheqin në skenën botërore në çdo industri dhe sferë ndikimi”, tha Moira Forbes, Zëvendës Presidente Ekzekutive e “Forbes”, në një deklaratë për shtyp.
“Në një vit të shënuar nga pasiguria dhe paqëndrueshmëria, fuqia e grave po përdoret përtej fuqisë ekonomike dhe politike, për të transformuar industritë dhe për të zgjidhur çështjet më urgjente të shoqërisë”.
Të dy liderët evropianë u ngritën në renditjen vjetore, për shkak të rolit të tyre kritik në nxitjen e vendeve anëtare të BE-së për të mbështetur Ukrainën pas pushtimit rus.
Burimi i lajmit: The Economic Times. Përshtatur nga Tirana Today
