Mbyllen pjesët e para të ndeshjeve të fundit në grupe në Champions League. Ndryshe nga javët e tjera, këtë herë ka pasur një “thatësirë” golash. Janë disa nga ndeshjet që po zhvillohen që do të vendosin nëse do të ecin më tej, apo do ti dorëzohen Europa Leagues.
Juventusi ka shënuar që në minutat e para për të larguar tensionin dhe për të siguruar kualifikimin, pasi çdo rezultat tjetër do t’ia rrezikonte kalimin e fazës së grupeve. Në minutën e 15’, Alex Sando gjen mjaft mirë në zonë Cuadradon i cili e ka mjaft të lehtë të dërgojë topin në rrjetë.
Bayer Munich është duke korrur një fitore hakmarrjeje ndaj PSG-s në “Allianz Arena”, ku është duke kryesuar me rezultatin 2-0. Ndryshe nga ndeshja e parë në Paris këtë herë dominimin e kanë gjermanët të cilët gjejnë rrugën e rrjetës shumë shpejt me Lewandowskin dhe më pas me Tolisso. Në të 8’ polaku shfrytëzon mjaft mirë një vendosje të gabuar të mbrojtjes parisienë dhe shënon mjaft lehtë.
Ndërsa në të 37’-ën është Tolisso që shfrytëzon mjaft mirë një krosim të James Rodriguez dhe e zhyt në portë me kokë.
Basel është duke triumfuar në Portugali përballë Benficas, falë një goli mjaft të shpejtë të shënuar nga sulmuesi Elyounoussi, i cili shfrytëzon mjaft mirë një krosim në zonë nga Lang dhe e ekzekuton mjaft bukur me kokë. Një gol që mban Baselin në vendin e dytë edhe pse Manchester United është duke u mposhtur nga rusët e CSKA. Interesante është bërë situata në këtë grup pasi janë tre ekipe në vendin e parë me nga 12 pikë, por diferencën deri tani e bëjnë përballjet direkte.
