Real Madrid është detyruar të dalë në një deklaratë për shtyp, pasi në media së fundmi janë shpërndarë lajme se kanë një marrëveshje prej 272 milionë euro për Kylian Mbappe. Madrilenët kanë hedhur poshtë këto pretendime dhe janë shprehur se nuk kanë pasur asnjë kontakt me parisienët për lojtarin në fjalë. Edhe të hënën ata u detyruan të përgënjeshtrojnë lajmet që lidheshin me transferimin e Neymar.
Kjo është deklarata e klubit madrilen:“Duke pasur parasysh informacionin e publikuar në orët e fundit duke iu referuar një marrëveshjeje të dyshuar mes Real Madrid CF dhe PSG për lojtarin Kylian Mbappé, Real Madrid thotë se ata janë tërësisht të rreme.
Real Madrid nuk ka bërë asnjë ofertë ndaj PSG-së apo me lojtarin dhe dënon me ashpërsi shpërndarjen e lajmeve të pavërteta”.
