Që nga momenti që Neyamr iu bashkua PSG-së, ai vazhdoi të përflitet shumë për një rikthim të mundshëm në Spanjë, te Barcelona. Ky lajm vazhdon të qarkullojë shumë në media edhe në prag të merkatos së janarit, por në orët e fundit kanë dalë në dritë disa detaje që të lënë te kuptosh se kjo lëvizje mund të bëhet realitet.
Bëhet fjalë për një klauzolë në kontratën e brazilianit që hyn në fuqi që nga viti 2020. dhe që u zbulua nga e përditshmja spanjolle AS.
Sipas kësaj klauzole çdo klub mund të blejë kartonin e Neymar nga Paris Saint Germain për vlerën e 160 milionë Eurove dhe në këtë pikë Barcelona është në pole position për të marrë brazilianin.
Duke pasur parasysh edhe problemet e shumta që ka pasur te parisienët ylli brazilian, bëhet akoma më e besueshme se e ardhmja e tij nuk do të jetë në Paris. Por në këtë arë mendohet se është futur edhe FlorentinoPerez, presidenti i Real Madrid. Ky i fundit kërkon të marrë në ‘Bernabeu’ Neymarin, për të mbuluar boshllëkun që la largimi i Cristiano Ronaldos.
