Presidenti i Kosovës, Hashim Thaçi ka komentuar letrën e presidentit amerikan, Donald Trump.
Nga Brukseli, Thaçi shkruan se letra e presidentit të SHBA-ve mund të krahasohet me kërcënimin e ish-presidentit amerikan, George H.W Bush për Millosheviç, në vitet e luftës me Kosovën.
“Mendoj se mesazhi i presidentit Trump, është mesazhi i SHBA për qytetarët e Kosovës në mënyrë që të mbyllim këtë proces të rëndësishëm në njohje reciproke.
Mund të krahasohet edhe me mesazhe që i ka dhënë Bush i vjetri, i cili ka kërcënuar Millosheviç. Është një qëndrim shumë i qartë me mbështetje unike dhe reflekton se SHBA do të jetë pranë nesh dhe me mbështetje të plotë”, u shpreh ai.
