Gjatë në konference të përbashkët, Presidenti kosovar Hashim Thaçi i ka kërkuar homologut shqiptar Ilir Meta që qytetarët e Kosovës të pajisen me nënshtetësi shqiptare, në mënyrë që ata të kenë mundësi të lëvizin të lirshëm në Evropë.
“Kosova e ka të qartë qëllimin dhe vizionin e vet që do të jetë pjesë e NATO-s dhe Bashkimit Evropian. Por pasi që aktualisht BE-së ka sjellë një rrethanë të izolimit klasik të lëvizjes së lirë të njerëzve, unë e diskutova edhe me presidentin Meta se e vetmja shprese në këtë moment për qytetarët e Kosovës që të lëvizin lirshëm, që në përputhje me Kushtetutën dhe ligjet e Shqipërisë dhe në përputhje me Kushtetutën dhe ligjet e Kosovës tu jepet nënshtetësia qytetarëve të Kosovës, veçanërisht studentëve, biznesmenëve dhe njerëzve që kanë nevoje. Kjo është një nevojë imediate që qytetarët e Kosovës të pajisen me nënshtetësi që të lëvizin në Evropë”, tha Thaçi.
Ndërsa Presidenti Meta u duke u ndalur tek çështja e liberalizimit të vizave për qytetarët e Kosovës, tha se kushtëzimi i vizave për Kosovarët me demarkacionin është vendim i padrejtë. Meta tha se qytetarët e Kosovës janë të vetmit në Ballkanin Perëndimor që nuk gëzojnë këtë të drejtë.
“Është i padrejtë vendimi për të kushtëzuar liberalizimin e vizave për qytetarët e Kosovës, me çështjen e demarkacionit. BE të qartësojë perspektivën evropiane të Kosovës. Politika e zgjerimit duhet të vazhdojë. Duhet t’i jepet fund izolimit të qytetarëve të Kosovës, pasi Kosova ka plotësuar kushtet për liberalizimin e vizave”, tha Presidenti Meta.
