Kida është një ndër këngëtaret që korri sukses menjëherë në tregun muzikor shqiptar.
Megjithatë, kur bëhet fjalë për jetën private nuk dimë shumë rreth saj. Në fakt është Kida ajo që e ka thënë publikisht para disa vitesh se nuk ka pasur ndonjëherë të dashur.
Së fundmi, ajo ka qenë e ftuar në emisionin “Nd’rrimi i natës”. Drejtuesi i emisionit ka përmendur deklaratën e këngëtares të bërë në vitin 2016-të.
E pyetur nëse ka ndryshuar kjo gjë, Kida është shprehur:
“Akoma nuk ka ndryshuar. Kam dëshirë t’i jap vetes më shumë kohë të krijojë diçka të timen. Mendoj se jam akoma e re ta ndjej këtë gjë”.
Megjithatë ajo nuk e ka mohuar nevojën për të patur afër një njeri në jetën e saj.
