Carlos Tevez shpërthen nga Argjentina teksa thekson se në këto kohë të vështira vëmendja duhej të shkojë tek ata që nuk kanë shumë mundësi, ndërsa është dakord që lojtarët të përgjysmojnë rrogat madje theksojnë se futbollistët mund të qëndrojnë një vit pa u paguar. Sigurisht, ish-sulmuesi i Juventus e tashmë i Boca Juniors është rritur në lagjet më të varfra të Argjentinës dhe e di mirë situatën kur të duhet të jetosh për të mbijetuar.
“Vajza ime festoi datëlindjen e 15 dhe u organizuam të gjithë bashkë, por e mbyllëm në kohën e duhur. Tashmë, vëmendja është te prindërit dhe gjyshërit tanë. Ky virus është një m… dhe kam më shumë frikë për ta se sa për fëmijët e mi. Nuk e dimë se nga vjen, sa fort mund të godasë, por e dimë që vret dhe ata që preken vuajnë të vetëm dhe nuk përcillen në mënyrën e duhur.
Ata që rrezikojnë më shumë në këto momente janë të varfrit, e është shumë e rëndësishme të ndihmohen sepse ka nevojë. Ne futbollistët mund të qëndrojmë edhe një vit pa u paguar, nuk jemi ne ata që dalim nga shtëpia në orën gjashtë të mëngjesit e që kthehemi në shtatë për të siguruar ushqimin në familje. Do isha i lumtur të ndihmoj atë që është në vështirësi, edhe pse shteti është aty, por edhe ne duhet të jemi aty gjithashtu”, u shpreh Tevez
