Testi i raketës balistike i Koresë së Veriut është “dënuar” ndërkombëtarisht. Madje, Bashkimi Evropian dhe NATO e kanë cilësuar atë si “kërcënim për paqen dhe sigurinë ndërkombëtare”.
Nga ana tjetër, Rusia dhe Kina kanë shprehur shqetësim për rritjen e tensioneve në Gadishullin Korean.
Dje, Koreja e Veriut ka testuar një raketë balistike, ndërsa ky veprim është parë si një sfidë për presidentin e ri të Koresë Jugore, Moon Jae-In, i cili është shprehur se dëshiron uljen e tensioneve me Korenë Veriore.
Kjo raketë ka fluturuar më tepër se 700 kilometra për një orë e gjysmë dhe ka arritur largësinë më tepër se 2 mijë kilometra, duke rënë në Detin e Japonisë.
