Përfaqësuesi i posaçëm i Shteteve të Bashkuara të Amerikës për Koalicionin Ndërkombëtar kundër ISIS, Brett McGurk, kreu një vizitë të papritur në Turqi.
Ai zhvilloi takime me ministrin e Jashtëm dhe atë të Mbrojtjes së Turqisë.
Ministri i Jashtëm i Turqisë Mevlut Çavushoglu, muajin e kaluar reagoi ashpër kundër McGurk për shkak të politikave që ky ndjek në marrëdhëniet me organizatën terroriste PYD/YPG: “Brett McGurk padyshim mbështet në mënyrë të hapur PKK-në dhe YPG-në. I bëjmë thirrje partnerëve tanë amerikanë, ta ndryshojnë këtë njeri”.
Pak ditë më parë mes Sekretarit amerikan të Mbrojtjes James Mattis dhe homologut të tij turk Fikri Ëshëk është biseduar në lidhje me këtë çështje edhe në Bruksel.
Ministri Ëshëk i përcolli edhe një herë tjetër homologut të tij Amerikan, shqetësimin që Turqia ndjen në lidhje me marrëdhëniet që Shtetet e Bashkuara të Amerikës kanë me organizatën PYD/YPG në Siri.
Mattis i konfirmoi Ëshëk-ut se marrëdhëniet me PYD/YPG, krahun e organizatës terroriste PKK në Siri “janë të përkohshme dhe burojnë nga domosdoshmëria dhe jo preferenca”.
