Ka reaguar menjëherë kreu i Baskisë së Kukësit, pas deklaratave te kryeministrit Rama, I cili u tërhoq nga taksa për Rrugën e Kombit dhe tha se nuk do të vejë asnjë barrë për qytetarët derisa të gjendet një zgjidhje e optimale.
Në fjalën e tij Bashkim Shehu, është shprehur se kjo tërheqje e Ramës vjen pas presionit të qytetarit.
“I kërkoj lirimin e menjëhershëm të 11 personave që mbahen në burg. Unë jam krenar që ndodhem përpara kuksianëve. I përgëzoj qytetarët Kukësit që kanë qenë sot në protestë dhe tregojnë që jemi paqësor.
Çdo qeveri është e detyruar që të ulet me qytetarët, tu shpjegoj të gjitha”,– është shprehur Shehu.
Ndërsa nga Kuvendi Rama u shpreh se: “Unë do të merrem me shpjegimin e çështjes që ka krijuar kaos në banorët e Kukësit. Ajo që duhet përsëritur nga ana ime dhe qeverisë është vetëdija për përgjësinë time dhe tonën për pamjaftueshmërinë e sqarimeve. Nuk kemi bërë sa duhet se kemi qenë indiferente apo se kemi lënë me vetëdije. Nuk do të nisë taksimi, pa zgjidhur problemin me qytetarët e Kukësit.
Pa dashur të justifikohem u kam kërkuar ndjesë banorëve, por jemi nisur thjesht nga praktika ndërkombëtare dhe duke qenë një eksperiment i parë nuk kemi qenë mjaftueshëm të vetëdijesohem, dhe jemi vendosur në shënjestrën e opozitës. Në praktikën ndërkombëtare kërkohen 6 muaj pas vendosjes se sistemit të pagesës Sidoqoftë ne jemi duke vazhduar intensivisht punën për zgjidhjen e kësaj situate dhe për krijimin e mundësisë optimale që banoret e zonës dhe taksa e kombit.
Ne nuk do fillojmë sistemin e pagesës pa dhënë zgjidhjen më të mirë të mundshme për atë zone. Është një punë e vështirë sepse kemi përfshire edhe të parashikohet gjithçka përpara se të parashikohet 6 mujori duke parashikuar shifrat dhe flukset. Do ta lehtësojmë barrën e tyre në mënyre të ndjeshme, në këtë proces”.
