Miti se SHBA-të qeverisin dhe drejtojnë botën thuajse ka rënë. Ndërkohë presidenti amerikan Donald Tramp është mërzitur akoma më shumë kur ka parë lajmin e publikuar nga revista ekonomike amerikane “Forbes”.
Kjo revistë ka publikuar listën me 10 njerëzit më të fuqishëm në botë për vitin 2018. Në listën e ‘Forbes’ vendin e parë e mban presidenti i Kinës Xi Jinping, vendin e dytë presidenti i Rusisë Vladimir Putin ndërsa në të tretin presidenti i SHBA-ve Donald Trump.
Zyrtarët e “Forbes”-it njoftojnë se në përgatitjen e listës prej 75 personave merren parasysh aftësitë e këtyre personave në ndikimin e njerëzve dhe efektiviteti i përdorimit të burimeve financiare dhe të pushtetit që ndodhet në duart e tyre.
Xi Jinping u radhit në vendin e parë duke e kaluar presidentin rus Putin i cili për 4 vite me radhë e kryesonte këtë listë.
