Ndeshja mes Serbisë dhe Zvicrës shihet me shumë se një sfidë futbolli, pasi faktori shqiptar në përbërjen e Zvicrës shikohet me admirim nga shqiptarët nga të gjitha trojet. Por mediat serbe si gjithmonë kërkojë të hedhin baltë ndaj futbollistëve shqiptarë të Zvicrës dhe konkretisht për Xherdan Shaqirin.
E përditshmja serbe “Kurir” shkruan se Shaqiri ka shkrepur foto me imamin Shefqet Krasniqi, që sipas tyre ky i fundit akuzohet për terrorizëm dhe përhapje të urrejtjes fetare. Gjithashtu media serbe shton se Xherdan Shaqiri ka marrë edhe një dhuratë nga imami i lartpërmendur.
Ndërkohë citojnë edhe fjalët e Shaqirit, i cili theksoi në një vizitë në Kosovë se: Familja ime është myslimane, por ajo nuk ka asnjë lidhje me ekstremizmin. Unë nuk mund të kontrolloj dosjet e atyre që mund të dalë në foto”-theksonte Shaqiri.
Gjuha e përdorur nga media serbe shfaqet tendencioze, ndërsa vazhdimisht tregohet të frustruar kur përmendet “Shqipëria e Madhe”.
