Falë ndërhyrjes në kohë të policisë italiane, është bërë e mundur parandalimi i një krimi brenda një familje shqiptare. Pas një sherri për motive banale, 46-vjeçari ka nisur të keqtrajtonte bashkëshorten e tij, nënë e tre fëmijëve.
Por nuk është mjaftuar me kaq, por ka marrë dy thika për ta vrarë. Krimi në fjalë është shënuar gjatë mbrëmjes së djeshme, e ndërsa policia është sinjalizuar nga një telefonatë për dhunë në një familje.
Kryefamiljari kishte nisur të dhunonte gruan e tij në sy të fëmijëve të tyre, 7, 14 e 15-vjeç, të cilët ishin bërë edhe dëshmitar të skenës së rëndë. Shqiptari, me inicialet C.A., ka kërcënuar gruan me vdekje, e më pas është përpjekur ta godiste atë me dy thika kuzhine. Agresori tashmë është vënë në pranga, e ndërsa gruaja është në spital, nën kujdesin e mjekëve.
