Një 29-vjeçar me origjinë algjeriane është qëlluar për vdekje, pasi kishte thërritur “Allahu Akbar”. Policia menjëherë është vënë në lëvizje, pasi i riu është përpjekur që të sulmonte disa policë në Cornella të Spanjës.
Policia rajonale Mossos d’Esquadra konfirmoi incidentin, por refuzoi të komentonte mbi vrasjen e tij. Ngjarja ka ndodhur në orët e para të ditës, e ndërsa i riu i pajisur me thikë, synonte të sulmonte oficerët e policisë.
Ata shkruan në Twitter: “Një i armatosur me thikë ka arritur në stacionin e policisë në Cornella këtë mëngjes, me qëllim sulmin ndaj oficerëve. Incidenti ndodhi në orën 6 të këtij mëngjesi”.
Thuhet se një nga oficerët e policisë, ka shtënë mbi autorin, duke e lënë të vdekur.
