Në orët e para të mëngjesit, dy persona kanë tentuar të grabisin një kazino. Ngjarja ka ndodhur rreth orës 04:10, në Kinostudio.
Policia ka mundur të arrestojë njërin prej autorëve, i cili është identifikuar si Armando Demiri. Mësohet se ky i fundit është 30 vjeç, banues në Tiranë.
Autori tjetër, i cili është identifikuar nga policia si D.S., 29 vjeç, ka arritur të largohet nga vendngjarja. Dyshohet se ai ka pasur me vete një armë zjarri, tip pistoletë. Ndërkohë, policia ka ngritur pika kontrolli për kapjen e autorit tjetër si dhe po ushtron kontrolle në banesën e tij.
