Gjatë një kontrolli rutinë karabinierët kanë ndalur një makinë në bordin e se cilës ishin 4 persona.
Drejtuesi i mjeti me të parë patrullën e policisë kishte filluar të manovronte dhe ishte përpjekur të ndryshonte drejtim. Por, ai kishte dështuar dhe nuk kishte arritur të largohej. Efektivët e policisë e kishin ndaluar makinën për kontroll. Por, të 4 personat që ishin në bordin e mjetit menjëherë kishin shfaqur shenja nervozizmi.
Të gjendur në këtë situatë karabinierëve u kishte ardhur në mbështetje edhe një patrullë tjetër. Të ndaluarit ishin tre djem dhe një vajzë, të gjithë shqiptarë.
Të arrestuarit janë shqiptarët me inicialet H. E., 36-vjeç dhe L.I. 33-vjeç si dhe shqiptarja me inicialet K.M., 30 vjeçe.
Ndërsa, bashkë me këtë të tre është kapur edhe një 35-vjeçar. Ai ishte deklaruar para policëve si Geri Kuçi por në fakt ai ishte Erjon Kuqi.
Nga kontrolli që u ushtrua në makinën e shqiptarëve ishin gjetur një palë vathë dhe një medalje.
Origjina e tyre nuk ishte justifikuar nga përgjigjet e 4 personave të ndaluar.
Kjo bëri që policia të dyshonte se ata ishin mallra të vjedhura, raporton vicenzareport.it.
Në veturë u gjetën gjithashtu edhe një palë dorashka, kapele dhe shkopinj bejsbolli, elementë që të bëjnë të mendosh se ishin vjedhur.
Së fundmi, duke kontrolluar me saktësi identitetin e të arrestuarve, doli që Kuqi ishte shpallur në kërkim nga Gjykata e Maceratës që nga viti 2013. Ai akuzohej për vjedhje të kryera në vitin 2012 në Civitanova Marche. Ai u arrestua dhe u dërgua në burgun e Vicenzës për të vuajtur një dënim; prej një viti, një muaj dhe pesë ditë burg. /TIRANA TODAY/
