Tensionimi i situatës në protestën që po zhvillohet para Kuvendit të Shqipërisë nga banorët e zonës së “Astirit”, ka sjellë edhe plagosjen e disa efektivëve të policisë.
Banorët tentuan me forcë të hynin në Parlament gjatë kohës që atje po mbante fjalën e tij kryeministri Rama.
Mes atyre që janë plagosur lehtë gjatë përleshjeve është edhe zv.drejtori i Policisë së Tiranës, Dhimitraq Ziu.
Protestuesit kërkojnë dëmshpërblim për prishjen e banesave apo bizneseve të tyre. Ata janë prekur nga projekti i rikonstruksionit të Unazës së madhe të Tiranës.
