Presidenti i Shteteve të Bashkuara, Donald Trump, është më i vendosur se kurrë dhe nuk ka ndërmend të tolerojë për sa i përket tensionit me Korenë e Veriut.
Trump tha për një televizion, pas kthimit nga turneu në Azi, se do të ndërmarrë një fushatë globale, për t’i bërë presion maksimal Phenjanit, duke theksuar se diktatura e Koresë së Veriut nuk mund të mbajë peng botën.
“E kam bërë të qartë se nuk do të lejojmë që kjo diktaturë e shëmtuar ta mbajë botën peng të shantazhit bërthamor”, tha Trump.
Ai përmendi po ashtu zotimin e liderit të Kinës, Xi Jinping se do të përdorë presionin ekonomik mbi Phenjanin për të arritur denuklearizimin e Veriut.
Vizita e Trump në Azi është fokusuar në forcimin e marrëdhënieve të këtyre shteteve me SHBA-në, si dhe në “luftën” kundër Koresë së Veriut, teksa Trump lëshoi disa mesazhe ndaj Kim Jong-un, duke thënë ndër të tjera se “ShBA-ja nuk duhet nënçmuar dhe sprovuar”.
