U duk sikur pardesytë u zhdukën, por mesa duket paskemi gabuar. Ato janë rikthyer dhe janë IN këtë vjeshtë.
Markat më të njohura të modës dhe shumë prej modeleve më me emër e kanë zgjedhur pardesynë edhe për vjeshtën 2017. Javët e modës në kryeqytetet më të njohura si New York-u, edhe në street style kanë shfaqur tendencën që do të dominojë sezonin e freskët.
Duke qenë se koha është freskuar, zgjedhja më e mirë është gjithmonë një pardesy.
Por cilat janë ngjyrat që dominojnë? Të gjitha! Duke filluar që nga ndezurat, neutralet apo të errëtat.
Modelet, po ashtu, janë më të guximshme. Kjo nuk do të thotë që mungon pardesyja me modelin e saj klasik, por edhe ato që konsiderohen pelerina, të gjata e me xhepa të mëdhenj.
Në një kohë të mëvonshme, kur koha të jetë më e ftohtë, një model më i trashë, dopiet, nga të dyja anët me kopsa, është një zgjidhje gjithashtu e preferuar.
Me xhinse, fustane, funde, me çizme të gjata dhe të shkurtra – me sandale.
