Meteorologia e Meteoalb, Ladja Porja tha në emisionin Good Morning Albanians në Euronews Albania se java në vijim do të karakterizohet nga mot i vranët dhe me reshje shiu.
Gjatë natës së sotme në vend do të depërtojnë masa veriore nga Poli i Veriut duke sjellë temperatura tipike për janarin.
Nga dita e martë deri të enjten vlerat maksimale termike nuk do t’i kalojnë 12-13 gradë celsius, ndërsa në zonat malore vlerat minimale do të shkojnë në -2 dhe do të shoqërohet nga reshje bore.
E premtja dhe fundjava do të sjellë rritjen graduale të temperaturave.
