Sipas televizionit të njohur France24, Kosova si shteti i ri evropian shihet si vend me korrupsion, papunësi dhe krizë të madhe politike, raporton Koha. Televizioni francez raporton se e vetmja shpresë e Kosovës janë gjeneratat e reja, të cilat nuk e kanë përjetuar luftën.
“Një e treta e popullsisë është nën moshën 15-vjeçare. Për të gërmuar historinë dhe të shikojë përpara, Kosova duhet të mbështetet te njerëzit e rinj dhe energjia e tyre”.
Ndër të tjera në reportazhin e bërë nga France24 tregohet se si shumë të rinj janë detyruar ta lëshojnë vendin, të emigrojnë si azilkërkues në Evropë, për shkak të kushteve ekonomike. “Edhe pse është investuar nga BE, mbi 1 miliardë euro prapë ka probleme të mëdha”.
