Nuk janë të paktat rastet kur të rinjtë kanë humbur jetën nga shpërthimi i celularëve. Aparati celular, të cilën e kishte vendosur nën jastëk duke e karikuar, për fat të keq i mori jetën një vajze 14 vjeçare.
Alua Asetkyzy Abzalbek e kishte zënë gjumi, ndërsa po dëgjonte muzikë në shtëpinë e saj në fshatin Bastobe, Kazakistan. Vajza e kishte vendosur telefonin në karikim, e ndërsa ka gjetur vdekjen e menjëhershme nga shpërthimi i baterisë. Ajo është gjetur nga familjarët pa jetë të nesërmen në mëngjes, ndërsa bateria e telefonit i kishte shpërthyer afër kokës.
Mjekët konfirmuan se celulari shpërtheu në orët e para të mëngjesit, pas mbinxehjes së baterisë gjatë karikimit.
Vdekja e saj u konsiderua një ‘aksident tragjik’. Marka e smartphone nuk u bë e ditur. Pas ngjarjes, miqtë e saj kanë reaguar të shokuar. Një prej tyre shkroi në rrjetet sociale: “Unë ende nuk mund ta besoj atë. Ti ishe më e mira, kemi qenë së bashku që nga fëmijëria. Sot është kaq e vështirë pa ty. Më ka marrë malli shumë për ty. Më ke lënë përgjithmonë”.
